ھاتووچۆ: تەنها 50 هەزار دینار نرخی گرێبەستی هاتووچۆیە لە نوسینگەکانی دەرەوە
ناوخۆ
- 25-05-2022, 19:39
بەغداد/ INA
ئەمڕۆ چوارشەممە، بەڕێوەبەرایەتی گشتی هاتوچۆ نرخی گرێبەستی هاتوچۆی لە نوسینگەکانی دەرەوە دیاریکرد.
بەڕێوەبەرایەتییەكە لە راگەیەندراوێكدا كە دەست ئاژانسی هەواڵی عێراقی (INA)كەوتووە، ئاماژەی بەوەكردووە، بانگهێشتی خاوەن نوسینگەکانی گرێبەستەكانی هاتوچۆ دەكات لە رۆژی پێنجشەممە،26/5/2022بەمەبەستی وەرگرتنی دەفتەری گرێبەستی هاتوچۆ، کە پێویستە لەگەڵ خۆیان چەکێکی بڕوانامەدار بە بڕی (٦٥٢) هەزار دیناری عێراقی بۆ هەر دەفتەرێکی گرێبەست بھێنن.
ھەروەک ئاماژەی بەوەشکرد، "پێویستە نرخی گرێبەست لەنوسینگەکان بە بڕی (50) هەزار دیناری عێراقی دیاریبکرێت، بۆ چاودێری کردنیشی ، یەکەیەک لە ھێزەکانمان وفەرمانگەکانی کۆنترۆڵی ئێمە بەدواداچوون بۆ ئەو بابەتە دەکەن،سەرپێچی کەرانی ئەم ڕێنماییە لێپرسینەوەیان لەگەڵ دەکرێت و مۆڵەتەکەشی لێ وەردەگیرێتەوە .
