دەستگیرکردنی باوکێک لە باشووری میسان کە تەقەی لە کوڕەکەی کردووە
ئەمنی
- 16-05-2022, 17:48
بەغداد/ INA
ئەمڕۆ دووشەممە، بەڕێوبەرایەتی پۆلیسی پارێزگای میسان ڕایگەیاند کە لە ناحیەی "ئەلمەجەر ئەلکەبیر" لە باشوری پارێزگاکە باوکێکیان دەستگیرکرد کە بەهۆی ناکۆکی لەگەڵ کورەکەی ، تەقەی لە کوڕەکەی کردەوە و کوشتەیەتی.
بەڕێوەبەرایەتییەكە لە راگەیەندراوێكدا كە وێنەیەكی دەست ئاژانسی هەواڵی عێراقی (INA)كەوتووە ڕایگەیاندووە: "بەڕێوەبەرایەتی پۆلیسی "ئەلمەجار ئەلكەبیر" بە هاوبەشی لەگەڵ بەشی هەواڵگری و دوای پێگەیشتنی ڕاپۆرتێك كە باوکێک گوللەی لە سەری کورەکەی داوە و لە شوێنی ڕووداوەکە گیانی لەدەستداوە و دەرکەوت تاوانبارەکە (باوکەکە)یە ، دوای دوو کاتژمێر لە ئەنجامدانی تاوانەکەی تۆمەتبار دەستگیرکرا، کە بەپێی زانیارییەکانی پۆلیس تۆمەتبار لە ماڵی یەکێک لەخزمەکانی خۆیی، خۆی حشاردابوو .
ئاماژەی بەوەشکردووە، "هۆکاری کوشتنەکە رەتکردنەوەی کوڕەکەی بووە کە پابەند بێت بە داواکاریەکی باوکی کە تەقە لە دراوسێیەکی بکات دوای شەڕێک کە لە نێوانیاندا روویداوە، بۆیە باوکەکە چەکە لە کورەکەی وەردەگرێت و فیشەکێک بەسەری کورەکەیەوە دەنێت " پۆلیس جەختی لەوە کردەوە کە رێوشوێنی یاسایی لەبەرامبەر تۆمەتبار گیراوەتە بەر بۆ ئەوەی بخرێتە بەردەم دادگا”.
