وەزارەتی تەندروستی:4 ھەزار کەس لەعێراق توشی ھەناسە تەنگی ھاتون
ناوخۆ
- 16-05-2022, 16:47
بەغداد/ INA
ئەمڕۆ دووشەممە، وەزارەتی تەندروستی رایگەیاند، ژمارەی ئەو کەسانەی توشی ھەناسە تەنگی ھاتون بۆ چوار هەزار کەس بەرزبووەتەوە.
وه‌زاره‌ته‌كه له راگه‌یه‌ندراوێكدا كه گه‌یشتووه‌ته ئاژانسی هه‌واڵی عێراقی (INA) رایگه‌یاند، "ژماره‌ی ئەو کەسانەی کە تووشی ھەناسە تەنگی بوون ،بۆ چوار هه‌زار كه‌س به‌رزبووه‌ته‌وه، به‌هۆی ئه‌و زریانه‌ی تۆزاوییه‌وه كه ژماره‌یه‌ك له پارێزگاكانی عێراقی گرتووه‌ته‌وه".
وە ئاماژەی بەوەشکردووە، "هەموو حاڵەتەکان چارەسەری پێویستیان وەرگرتووە".
ھاوکات وەزارەتی تەندروستی ، پێشتر ئاماژەی بە دوو هەزار حاڵەتی ھەناسە تەنگی دابوو بەهۆی زریانی تۆزو خۆڵەوە ، ھەروەک ئاماژەی سوکی حاڵەتەکانی ھەناسە تەنگی کرد کە حاڵەتەکان سووک و مامناوەند بوونە.
