ساڵح: پێویستە دڵنیابین ئەوانەی لە تاوانەكانی داعشدا تێوەگلاون لەدادپەروەری دەربازیان نابێت
سیاسی
- 16-05-2022, 12:48
بەغداد - INA
سەرۆك كۆمار بەرهەم ساڵح ئەمڕۆ دوو شەممە تەئكیدیكردەوە: پێویستە دڵنیابین لەوەی كە ئەوانەی لە تاوانەكانی داعشدا تێوەگلاون لەدادپەروەری دەربازیان نابێت.
سەرۆكایەتی كۆمار لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: بەرهەم ساڵح، سەرۆك كۆماری عێراق لە كۆشكی سەلام لەبەغداد پێشوازیكرد لە ئالیس نادیریتۆ، نوێنەری سكرتێری گشتی نەتەوە یەكگرتوەكان و راوێژكاری تایبەت بە جینۆساید.
ئاشكراشیكرد: لەدیدارەكەدا جەختكرایەوە لە پێویستی لێكۆڵینەوە لەو تاوانانەی كە لەلایەن رێكخراوی تیرۆریستی داعش لەعێراق ئەنجامدراوە، هەروەها دوپاتكرایەوە لە پتەوكردنی هەماهەنگی هاوبەش لەنێوان دەزگا پەیوەندیدارەكانی حكومەتی عێراق و تیمی لێكۆڵینەوەی نەتەوە یەكگرتوەكان بۆ ئەو بابەتە.
لە بەیاننامەكەدا ئەوەش هاتووە، لەمیانی دیدارەكەدا بەرهەم ساڵح جەختیكردەوە لەگرنگی راپێچكردنی هەمو ئەو كەسانەی كە لەتاوانی تیرۆریستی تێوەگلاون بۆ بەردەم دادگا و سزادانیان و وشككردنی سەرچاوەكانی تیرۆر، هاوكات بەگرنگییەوە باسی لە كۆكردنەوەی بەڵگەنامەی تاوانەكانی داعش كرد، بەتایبەتی تاوانی گۆڕە بەكۆمەڵەكان، هەروەها بەسزا گەیاندنی تاوانباران، لەپێناو مسۆگەركردنی مافی قوربانیان و دوبارە بونەوەی تاوانی لەوشێوەیە.
