كەعبی: یاسای ئاسایشی خۆراك جێگرەوەی بودجەی ساڵی ٢٠٢٢ نییە
ناوخۆ
- 12-05-2022, 20:51
بەغدا - INA
حەسەن كەعبی سەرۆكی لیژنەی دارایی پەرلەمان، ئەمڕۆ پێنجشەممە پشتڕاستی كردەوە كە یاسای ئاسایشی خۆراك جێگرەوەی بودجەی ساڵی ٢٠٢٢ نییە.
فەرمانگای راگەیاندنی ئەنجومەنی نوێنەران لە راگەیندراوێكدا كە كە لەلایەن ئاژانسی هەواڵی عێراقەوە وەرگیراوە، رایگەیاندووە، كە "لیژنەی دارایی كۆبوونەوەیەكی بە سەرۆكایەتی نوێنەری حەسەن كەعبی و ئامادەبوونی زۆربەی ئەندامانی لیژنەكە بۆ پێگەیشتنی باری نائاسایی ئەنجامداوە یاسای پشتگیری بۆ ئاسایشی خۆراك و پەرەپێدان پێش ئەوەی پێشكەشی سەرۆكایەتی ئەنجومەن بكات.
لە راگەیندراوێكدا هاتووە، "لیژنەكە پێداچوونەوەی بە دیدگای خۆی كردووە سەبارەت بە تەرخانكردنی دەرماڵەی تایبەت، مەلەفی پێدانی قەرزی دەرەكی، پشتگیریكردن لە كەرتی وەبەرهێنان و جێبەجێكردنی پڕۆژەی بەردەوام لە پارێزگاكان، هەروەها تەرخانكردنەكان بۆ سندوقی ئاوەدانكردنەوە و قەرەبووكردنەوە، كەرتی كشتۆكالی و مامەڵەكردن لەگەڵ هەژاریدا”.
بەپێی راگەیندراوێكە، كەعبی جەختی لەوە كردەوە كە پێویستی "تەواوكردنی یاسا لە فۆڕمی كۆتایی خۆیدا بۆ پێشكەشكردنی بە سەرۆكایەتی ئەنجومەن و خستنەڕووی لە كارنامەی دانیشتنی شەممەی داهاتوودا بۆ دەنگدان لەسەری و پەسەندكردنی"، ئاماژەی بەوەدا كە كە "یاساكە پشتگیری لە ئاسایشی خۆراك و گەشەپێدان دەكات بۆ گەیشتن بە خۆبژێوی لە ژێر رۆشنایی ئەو زۆرییە داراییەی كە بەدەست هاتووە."
ناوبراو ئاماژەی بەوەشكردووە، "یاسا جێگرەوەی یاسای بودجەی ساڵی ٢٠٢٢ نییە و بە كۆتایی ساڵ یان رەزامەندی یاسای گشتی بودجەی فیدراڵی كۆتایی دێت".
