عێراق بەشداری لەكۆنفرانس و پێشانگای نێودەوڵەتی خوێندنی ڕیاز دەكات
ناوخۆ
- 8-05-2022, 16:37
بەغداد - INA
وەزارەتی خوێندنی باڵای عێراق ئەمڕۆ یەكشەممە، راگەیاند: نەبیل كازم عەبدولساحب وەزیری خوێندنی باڵا بەشداری لە چالاكیەكانی كۆنفرانس و پێشانگای نێودەوڵەتی بۆ خوێندن كە لە میرنشینی عەرەبی سعودیە كرد.
وەزارەتی خوێندنی باڵا لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: وەفدێكی عێراقی بە سەرۆكایەتی نەبیل كازم عەبدولساحب وەزیری خوێندنی باڵا بەشداری لە چالاكیەكانی كۆنفرانس و پێشانگای نێودەوڵەتی بۆ خوێندن كرد كە لە میرنشینی عەرەبی سعودیە بەڕێوەدەچێت.
ئاشكراشیكرد: سەرۆكی زانكۆكانی بەغداد و موستەنسرییە و كوفە بەشداری لە گفتووگۆكانی كۆنفرانسەكە دەكەن كە لە رۆژانی 8 بۆ 11ی ئایاری 2022 بەڕێوەدەچێت، بە ئامانجی پێداچونەوە بەدەرفەتەكانی پەرەپێدان و وەبەرهێنان لە خوێندن و چارەسەری گونجاو بۆ ئاڵنگارییەكان بە پێی ستاندارد و نیشاندەرە جیهانییەكان.
