خۆراکی جیهانی فراوانبوونی پرۆگرامی خۆراکی قوتابخانەی نیشتیمانی عێراق ڕادەگەیەنێت

بەغداد /INA -نەسار ئەلحاج
ئەمرۆ شەممە، بەرنامەی خۆراکی جیهانی فراوانبوونی پرۆگرامی خواردنی قوتابخانەی نیشتیمانی عێراقی ڕاگەیاندو هاوکات تەئکیدیشیکردەوە لەسەر بەهێزکردنی توانای جێبەجێکردنی بەرنامەی خۆراک لە 13 پارێزگای عێراق، ئاماژەی بەوەدا کە نزیکەی نیو ملیۆن قوتابی عێراقی لە ساڵی 2022دا خواردنی قوتابخانەی بۆ دابین دەکرێت .
نوێنەری رێکخراوی خۆراکی جیھانی لە عێراق "عەلی ڕەزا قوریشی " بە ئاژانسی هەواڵی عێراقی (INA)ی ڕاگەیاند:"هەردوو بەرنامەی خۆراکی جیهانی نەتەوە یەکگرتووەکان و وەزارەتی پەروەردەی عێراق, "بەرنامەی خواردنی قوتابخانەی نەتەوەییان فراوانتر کردووە کە بە تەواوی لە لایەن حکومەتی عێراقەوە دابینکراوە و ڕەنگدانەوەی پابەندبوونی  
حکومەتی بۆ پشتگیریکردنی پەروەردەی منداڵان"دەرخستوە .
قورشی، وتیشی: "وەزارەتی پەروەردەی عێراق لە ئێستادا بەرنامەکە جێبەجێ دەکات و خواردنی قوتابخانە دابین دەکات لە کاتێکدا کە "WFP" بەردەوام دەبێت لە پێشکەشکردنی ئامۆژگاری تەکنیکی و لۆجستی و پشتگیری لەسەر بنەمای ئەو ساڵ و ئەزمونانەی کە لەلایەن بەرنامەکەیەوە  بەدەستهاتوون لە جێبەجێکردنی پرۆگرامەکانی پێدانی خۆراک لە قوتابخانە ،دوای ڕاهێنانی خوێندنی ئامادەبوان لە قوتابخانەکانی عێراق بۆ ساڵی خوێندنی ئێستا دوای ماوەیەکی درێژ لە فێربوونی ئەلیکترۆنی بەهۆی بڵاوبونەوەی نەخۆشی کۆرۆنا.
ھەروەک وتیشی: "ئەمساڵ وەزارەتی پەروەردە پلانی هەیە پشتگیری نزیکەی 113 هەزار خوێندکار بکات لە شاری سەدری بەغدا و 21 هەزار خوێندکار لە پارێزگای زیقار و نزیکەی 50 هەزار خوێندکاریش لە بەسرە ئەوە جگە لە هۆشیارکردنەوەی خۆراک و تەندروستیەکەی "WFP" کە دابینی دەکات ئەمەش لە رێگەی هاوکاری هاوبەش لەگەڵ وەزارەتەکانی پەروەردە و تەندروستی،
ئاشکراشیکرد:"WFP توانای بەهێزکردنی هەیە بۆ جێبەجێکردنی بەرنامەکە لە 13 پارێزگا و دابینکردنی ژەمی خوێندن بۆ 449 هەزار خوێندکار لەمساڵدا"
روونیشیکردەوە : "ئەم بەرنامە  دوای ئەو ڕێکەوتنە دێت کە لە ساڵی 2021 بە مەبەستی  چالاکیەکانی دابینکردنی خۆراک بۆ قوتابخانەکان  بۆ 3.6 ملیۆن منداڵی عێراقی لە ساڵی خوێندنی 2024-2025".