سەرۆك كۆمار: دۆخی سیاسی قبوڵكراو نیە
سیاسی
- 1-05-2022, 20:11
بەغداد - INA
بەرهەم ساڵح سەرۆك كۆماری عێراق ئەمڕۆ یەكشەممە، بەبۆنەی هاتنی جەژنی رەمەزانی پیرۆز، نامەیەكی پیرۆزبایی بڵاوكردەوەو رایگەیاند: دۆخی سیاسی ئێستا چیدی قبوڵكراو نیە.
بەرهەم ساڵح لە تویتێكدا لە تۆڕی كۆمەڵایەتی تویتەر كە ئاژانسی هەواڵی عێراقیە بینیوێتی، بەۆنەی هاتنی جەژنی رەمەزان، پیرۆزبایی لە هاوڵاتیانی عێراق دەكات و دەڵێت: هیوادارم بە گیانی هاوكاری وبە یەكڕیزی ڕوبەڕوی مەینەتیەكان بینەوە.
ئاماژەی بۆ ئەوەشكردووە: دۆخی سیاسی ئێستا چیدی قبوڵكراو نیە، بەتایبەت دۆخی خراپی بژێوی و موچەی خەڵك و ئازادیەكان، كاتی چارەسەری بە كردارە بۆ گێڕانەوەی داهاتی گشتی بۆ خزمەتی خەڵك بە دادپەروەری.
