باشماخ... هاوڵاتییەك بەیەك كیلۆگرام تلیاكی دەستگیركرا
ئەمنی
- 26-04-2022, 17:00
هەولێر - INA
بەڕێوەبەرایەتی كۆمەڵگەی دەروازەی نێودەوڵەتی باشماخ دەستگیركردنی هاوڵاتییەكی راگەیاند، كە یەك كیلۆگرام تلیاكی لە ژێر جلوبەرگەكەیدا حەشاردابوو.
بەڕێوەبەرایەتی كۆمەڵگای دەروازەی نێودەوڵەتی باشماخ لەڕاگەیەندراوێكدا كە كۆپییەكی دەستی ئاژانسی هەواڵی عێراقی كەوت تیدا هاتووە: ، كاتژمێر 6:45 خولەكی بەیانی ئەمڕۆ سێشەممە لەلایەن یاریدەدەرێتی ئاسایشی باشماخەوە توانرا هاوڵاتیەكی هەرێمی كوردستان لەكاتی گەڕانەوەی بۆ هەرێمی كوردستان و لەدەروازەی باشماخ بەناوی ( م ـ ع ـ ح) لەدایكبوی 1970 دانیشتوی یەكێك لەشارەكانی هەرێمی كوردستان دەستگیربكرێت".
باسیلەوەشكرد:" پاش دەستبەسەرداگرتنی ماددە هۆشبەرەكە، پەڕاوی لێكۆڵینەوە بۆ تۆمەتباری ئاماژەپێكراو كرایەوە و رەوانەی دادگا كرا، بە مەبەستی وەرگرتنی سزای یاسایی".
