له‌عێراق قەبارەی بەكارهێنانی غاز بۆ ئۆتۆمبێل زیادیكردووە
ئابوری
- 25-04-2022, 12:09
بەغداد – INA
كۆمپانیای دابەشكردنی بەرهەمە نەوتیەكان ئەمڕۆ دووشەممە، ڕایگەیاند: بۆ مانگی ئازار قەبارەی بەكارهێنانی غاز بۆ ئۆتۆمبێل زیادیكردووە.
حسێن تاڵب عەبود بەڕێوەبەری گشتی كۆمپانیاكە لە بەیاننامەیەكدا كە دەست ئاژانسی هەواڵی عێراقی كەوتوە، دەڵێت: دەزگاكانی دابەشكردنی سەر بە كۆمپانیاكە داواكارییەكی زۆریان بەدەستگەیشتووە بۆ دابینكەری غازی شل لەلایەن ئەو كەسانەی كە دەستكاری ئۆتۆمبێلەكانیان كردوە، لەگەڵ بڕی بەكارهێنانی خۆماڵی بۆ مانگی ئازار كە دەكاتە 12 ملیۆن لیتر.
ئاشكراشیكرد: ڕێژەی زیادبوونی مانگانە لە نێوان 400 بۆ 500 هەزارە و وتیشی: كۆمپانیاكە بەنیازە هاوڵاتیان هان بدات بۆ بەكارهێنانی ئەو جۆرە سووتەمەنییە وەك ئەوەی دۆستی ژینگەیەو نرخەكەشی هەرزانە و نرخی لیترێك 200 دینارە.
