وەزارەتی ئاوەدانکردنەوە: وردەکاریەکانی ڕێگای (خاڵس-عوزێم)ڕادەگەیەنێت
ناوخۆ
- 25-04-2022, 10:39
بەغداد /INA
وەزارەتی ئاوەدانکردنەوەو نیشتەجێبوون ئەمڕۆ ڕۆژی دووشەممە وردەکاریەکانی پڕۆژەی ریگای نێوان خاڵس و عزێمی ڕایگەیاند .
لەبەیاننامەیەکی وەزارەتدا کەکۆپیەکی دەست ئاژانسی هەواڵی عێڕاقی کەوت راگه‌یاند"کە کادیرە ئەندازیاریەکان و هونەریەکانی پڕۆژەکە هەنگاوی باشیان ناوە لەپڕۆژەی شیاندن و ڕێکخستنەوەی ڕێگای نێوان خاڵس و عوزێم بەڕێژەی ٨٥٪.
هەروەها وتی" کەدرێژی ڕێگاکە ٢٥ کیلۆمەترە و دەکەوێتە سەڕێگای بەغداد -کرکوک و لەلایەن بانکی نێودەوڵەتی فریاکەوتنەوە قەرزی دارایی بۆکراوە، بەیاننامەکە ئاماژەی بەوەکردووە کەئەم ڕێگایە پێشووتر دووچاری چاڵ و چۆڵ و زیانێکی زۆربووە ئەویش لەبەرئەوەی بارهەڵکرەکان باری قورسیان بەسەردا تێپەڕاندووە.
هەروەها ئاماژەی بەوەکرد لەپڕۆژەکەدا توێژی زیانپێگەیشتوی سەرەوەی ڕێگاکە دەبڕدرێتەوە و لادەبرێت چینە ئەسفەلتیەکانیش کە بە بۆلیمەر ئاوێتەکراون ڕادەخرێن.
هەروەها لەم پڕۆژەیەدا زیاتر لەسێ کیلۆمەتر تەواوبووە و تاهەنووکە ٦٣ ڕەهۆڵ و پردۆکە لەسەر ڕێگاکەدا تەواو کراون.
ئەمە جگەلە ڕێکخستنی ڕێگاکە بە بۆیاخی گەرماوی و دانانی پەرژین و هێماکانی هاتوچۆ.
