هاتووچۆ: پلانێكی هاوبەشی تایبەت هەیە بۆ رۆژانی جەژن
ناوخۆ
- 24-04-2022, 18:15
بەغداد - INA
بەڕێوبەرایەتی گشتی هاتوچۆی ئەمڕۆ یەكشەممە، ڕێوشوێنەكانی خۆی بەبۆنەی نزیكبوونەوەی جەژنی ڕەمەزان ڕاگەیاند و هاوكات تەئكیدیكردەوە لەسەر بوونی پلانێكی هاوبەشی ئەمنی لەگەڵ فەرماندەیی ئۆپەراسیۆنەكانی بەغداد.
بەڕێوەبەری پەیوەندیەكان و راگەیاندن لە بەڕێوەبەرایەتی گشتی هاتووچۆ عەقید یاس خزەیر بەئاژانسی هەواڵی عێراقی راگەیاند: بەڕێوبەرایەتی گشتی هاتووچۆ پێش جەژنی ڕەمەزان چەند ڕێوشوێنێكی گرتەبەر، لەوانە فراوانكردنی بوونی ئەندامەكانی لە هەردوو بەری كەرخ و رەسافە لەبەردەم مۆڵ و شوێنی بازاڕكردن.
وتیشی: چەند ڕێوشوێنێكی تر هەیە بۆ پاركی گشتی و شوێنە تایبەتەكان كە لە جەژندا لەلایەن هاوڵاتیانەوە سەردان دەكرێن، كە لە چوارچێوەی پلانی پێشوەختدا دەبن.
ئاشكراشیكرد: پلانێكی ئەمنی هاوبەش هەیە بە بەشداری فەرماندەیی ئۆپەراسیۆنەكانی بەغداد و هەموو دەزگا ئەمنییەكان لە جەژنی ڕەمەزاندا.
پێشتر فەرماندەی ئۆپراسیۆنەكانی بەغداد، فەریق روكن ئەحمەد سەلیم، تەئكیدی لە جێبەجێكردنی پلانێكی تایبەت بۆ پاراستنی بارودۆخی رۆژانی ڕەمەزان و جەژن كردەوە.
