بەھۆی مانگرتن لە فڕۆکەخانەیەکی ئەمستردام و چەندین گەشتی ئاسمانی هەڵوەشانەوە
جیهانی
- 23-04-2022, 15:00
بەدواداچون /INA
ئەمرۆ شەممە ،فڕۆکەخانەی سخیبۆل لە ئەمستردامی پایتەختی هۆڵەندا بە هۆی مانگرتنی کرێکارانەوە دەیان گەشتی ئاسمانی هەڵوەشانەوە و دواخران ، وەک ناڕەزایی دەربڕین بەرامبەر بەدۆخی کارکردن و کەمیی بەرچاوی کارمەندان.
مانگرتنی کرێکارانی "کی ئێڵ ئێم " ھاوکاتە لەگەڵ قەرەباڵغترین ڕۆژانی ساڵ لە ناوەندی سەرەکی فڕۆکەخانەکان بەھۆی پشووی قوتابخانەکان ،کە خێزانەکان یەکەم جارە گەشت دەکەن بۆ پشوو دوای هەڵگرتنی کۆتو بەند و ڕێوشوێنەکانی دژ بەکۆرۆنا لەو وڵاتە،
"کەی ئێڵ ئێم " لە بەیاننامەیەکدا ئاماژەی بەوەدا کە کۆمپانیاکە لەگەڵ کارمەندەکانی لە گفتوگۆدایە، راشیگەیاند کە: "ئەم مانگرتنە سزایەکی درێژی مەودایە بۆ کڕیار و ھاوکارانمان لەم کاتە سەرقاڵی و قەرەباڵغیەدا"
لەلایەن خۆشیەوە فڕۆکەخانەی سخیبول لە ماڵپەڕی سەرەکی خۆیدا هۆشداریدا لە دواکەوتنی و هەڵوەشانەوە و گەشتی گەشتیارەکانی و داواشیکرد کە پەیوەندی بکەن بە هێڵی ئاسمانییانەوە بۆ زانیاری لەسەر گەشتەکانیان.
سەرچاوە:- ئاژانسەکان
