بێ پارە فیدراسیۆنی موای تای ئامادەكاری دەكات بۆ بەشداریكردن لە پاڵەوانێتی جیهان

بەغداـ INA
هەڵبژاردەی  نیشتمانی موای تای بەردەوام دەبێت لەئامادەكردنێكی چڕوپڕ بۆ پاڵەوانێتی پێشكەوتووانی جیهانی كە لە26ی ئایاری  داهاتوو لەپایتەختی ئیمارت لە ئەبوزەبی بەڕێوەدەچێت و تا 5ی حوزەیرانی دەخایەنێت.
مستەفا جەبار علك، سەرۆكی فیدراسیۆنی ناوەندی موای تای عێراق ئەمڕۆ پێنجشەممە بە ئاژانسی هەواڵی عێراقی (INA) گوت: ئەمە یەكێك لە بەهێزترین خولەكانی جیهانە، كە 95 وڵات بەشداریان كردووە.
وتیشی: هەڵبژاردەی نیشتیمانی چووە ناو كەمپێكی مەشق و ڕاهێنانەوە بە سەرپەرشتی ستافی تەكنیكی كە پێكهاتبوون لە عەلی ساهر و محەمەد حەسەن بە بەشداری نزیكەی 14 یاریزان بە دوو یەكەی ڕاهێنان لە ڕۆژێكدا بۆ گەیشتن بە ئامادەیی تەواو پێش دەستپێكردنی پاڵەوانیەتییەكە،وتیشی : بە بودجەی فیدراسیۆنی موای تای نەمانتوانی كەمپێكی مەشق وراهێنان لەدەرەوەی وڵات بكەینەوە.
وتیشی: وەرزش پێویستی بەپارەیەكی زۆر هەیە بۆ بەرەوپێشبردن بەتایبەتی كە ژێرخانی وەرزشەكەمان باش نییە بەتایبەتی وەرزشی موای تای و هیوادارین ئاڕاستەیەك هەبێت و پشتیوانی حكومەت هەبێت بۆ بەرەوپێشبردنی واقیعی وەرزشی عێراق و گەڕانەوە بۆ رێڕەوی سەركەوتنەكانی.