وەزیری کارەبا :دۆخی کارەبا ئەمساڵ لەساڵی پێشوو باشتر دەبێت
ناوخۆ
- 20-04-2022, 16:20
بەغداد / INA وسام الملا
بریکاری وەزیری کارەبا عادل کریم ئەمڕۆ چوارشەممە
ڕایگەیاند کە دۆخی کارەبا و وزە
لەساڵی پێشوو باشتر دەبێت و وتیشی کە سەردانێکی ئێران دەکات بۆچارەسەرکردنی کێشەی هاوردەکردنی گاز .
بریکاری وەزیر لەلێدوانێکدا بۆ دەزگاکانی ڕاگەیاندن لەوانە ئاژانسی هەواڵی عێڕاقی/INA وتی میواندارێتی ئێمە لە ئەنجومەنی نوێنەران دەربارەی ئامادەکاریەکان بوو بۆ هاوینی داهاتوو ، هەروەها لەم دیدارەدا نەخشەو پلانی وەزارەتمان خستە ڕوو دەربارەی پێدانی کارەبا بەهاووڵاتیان .
جگەلەمەش شێوازی کاری ڕۆژانەمان خستە ڕوو و ئەوانیش بەڵێنیان دا کە هاوکارمان بن بۆ چارەسەرکردنی
کێشەکان و لابردنی ئاستەنگەکان
ئاشکراشی کرد کە کەئەنجومەنی وەزیران بە بڕی (٥٠٠)ملیار دینار یارمەتی پێشکەش بە وەزارەتی کارەبا کردووە بۆ کڕینی بگۆڕو چاککردنەوەی یەکەکان .
عادل کریم ڕوونی کردەوە کە بەکۆششی کارمەندانی وەزارەتی کارەبا دۆخی وزە وکارەبا لەمساڵدا باشتر دەبێت ، چونکە ژمارەیەک وێسگە دروست کراون
و تۆڕەکانی کارەباش چاککراونەتەوە .
ئاماژە کرد" کە هێشتا کێشەی هاوردنی گاز لەئێرانەوە چارەسەر نەکراوە.
بەهەمان شێوە عادل کریم ئاماژەی بەوەدا کە بڕیار نەدان لەسەر بوودجە کێشەی کارەبا بۆ ساڵی داهاتوو دروست دەکات و هیواشی خواست کە بەزووترین کات ئەنجومەنی نوێنەران یاسای ئاسایشی خۆراک تێپەڕێنێت
