له‌دوای فرۆكه‌خانه‌ی به‌غدا"فرۆكەخانەی نەجەفی پیرۆزیش سەرجەم گەشتەكانی راگرت
ناوخۆ
- 20-04-2022, 11:01
نەجەفی پیرۆز – INAـ حه‌یده‌ر فه‌رمان
فرۆكەخانەی نەجەفی پیرۆز ئەمڕۆ چوار شەممە، رایگەیاند: بەهۆی خراپی كەشوهەواوە سەرجەم گەشتەكانیان راگرتووە.
بەڕێوەبەری راگەیاندنی فرۆكەخانەی نەجەفی پیرۆز مستەفا كبە بە ئاژانسی هەواڵی عێراقی (INA)ی راگەیاند: سەرجەم گەشتەكانی هاتن و رۆیشتن لە لە فرۆكەخانەی نەجەفی پیرۆز بەهۆی خراپی كەشوهەواوە هەڵپەسێردراوە.
وتیشی: لە حاڵەتی باشبوونی رەوشی كەشوهەوا گەشتەكان دەستپێدەكاتەوە .
ئەوە لە كاتێكدایە هەر ئەمڕۆ چوارشەممە، بەڕێوەبەرایەتی فرۆكەخانەی نێودەوڵەتی بەغداد لە بەیاننامەیەكدا رایگەیاند: بڕیاردراوە هاتووچۆی ئاسمانی بۆ ئەمڕۆ لە فرۆكەخانەكە بوەستێنرێت، بەهۆی خراپی كەشوهەواوە كە مەودای بینین بۆ 500 مەتر كەمبوەتەوە.
