سەحاف: ئۆپەراسیۆنە سه‌ربازیه‌كی توركیا بۆ سەر باكووری وڵات پێشێل كاری سەروەریی عێراقە و پێچەوانەی یاسا نێودەوڵەتییەکانە
سیاسی
- 19-04-2022, 01:58
بەغداد INA
ئەحمەد سەحاف وتەبێژی وەزارەتی دەرەوە تەئکیدیکردەوە کەحکومەتی عێراق ئۆپەراسیۆنە سەربازییەکانی تورکیا لەباکوری وڵات ڕەتدەکاتەوەو بەپێشێلکردنی سەروەری و بەپێچەوانەی پرەنسیپی دراوسێیەتی دەزانێت.
لە لەڕاگەیندراوەكەدا کە لە لایەن ئاژانسی هەواڵی عێراقی پێی گەیشتووە، سەحاف وتی "حکومەتی کۆماری عێراق بەتوندی ڕەتی دەکاتەوە و بەتوندی ئیدانەی ئەو ئۆپەراسیۆنە سەربازییانەدەکات کە لەلایەن هێزەکانی تورکیاوە بۆ نێوخاكی عێراق لە مەتین، زاپ و ئاڤاشین لە باکووری عێراق، لە رێگەی هەلیکۆپتەر و فڕۆکەی بێفڕۆکەوانەوە ئه‌نجامده‌دات بە توندی ئیدانە دەکەین."
سەحاف ئاماژە بەوەش كرد، "ئەنجامدانی ئەم ئۆپەراسیۆنە پێشێلکردنی سەروەریی عێراقە و پێچەوانەی یاسا نێودەوڵەتییەکانە کە پەیوەندییەکانی نێوان هەردوو وڵات رێکدەخات، رەتیدەکەینەوە عێراق ببێتە مەیدانێک بۆ ململانێ و یەکلاکردنەوەی کێشە دەرەکییەکان."
