وەزارەتی پیشەسازی بڕیاری داخستنی ئەو کارگانەیدا کە ژینگە پیس دەکەن

بەغداد/ INA

ئەمرۆ ھەینی وەزارەتی پیشەسازی و کانزا بڕیاری دا  ئەو کارگانە دابخرێن کە سەرپێچی بارودۆخی ژینگەیی و ئیداری دەکەن و هاوکات هەوڵەکانیشی دووپات کردەوە بۆ  پاراستنی ژینگە و بەرھەمی کەرپوچی ناوخۆی .
بەرێوەبەری راگەیاندنی وەزارەتەکە بە ئاژانسی هەواڵی عێراقی (INA) راگەیاند: کەرپوچی ناوخۆ یەکێکە لە باشترین جۆرەکانی بەراورد بە هاوردەکەر، گونجاوە بۆ کەش و هەوای عێراق و چێژوەرگرتن لە خواستی بەکاربەر.
وتیشی: "پیشەسازی  کەرپوچ پیشەسازییەکی گرینگەوە پێویستی بە سپۆنسەری و پشتیوانی بەردەوامی حکومەت هەیە، ئەویش بە دابەزاندنی نرخی نەوتی ڕەش و پاراستنی بەرهەمەکە"
ھەروەک وتیشی: "کارگەکان پابەندن بە ستانداردی ژینگەیی و بەپێی ڕاپۆرتەکانی ئاژانسی ناوەندی بۆ کوالێتی ستانداردکردن و کۆنتڕۆڵکردن"
راشیگەیاند: "کار بۆ ئەوە دەکرێت کە کارگەی کەرپوچ بکرێتە روویەکی  دۆستانەی ژینگەیی بە کەمکردنەوەی دەرچەی کارکردن، ھەروەھا زۆربەی ئەو کارگانەی کە سەرپێچی ژینگە و باری ئیداری دەکەن داخراون"
پێشتر وەزارەتی ژینگە ژمارەیەک کارگەی کەرپوچی  ئاگادارکردبویەوە لە ناوچەی نەهروانی پارێزگای بەغدا، ھۆشداری دابوو لەبارەی پیکردنی ژینگە و مامەڵە کردن بە پێی بڕگەکانی ماددەی (33) لە یاسای پاراستن و چاککردنی ژینگە ژمارە (27) ی ساڵی 2009.