ئەنجومەنی وەزیران مۆڵەتی هاوردەکردنی تامانگی حوزەیران هەڵپەسارد

بەغداد ـ INA

ئەنجومەنی وەزیران ئەمڕۆ سێشەممە دەنگیدا بە هەڵپەساردنی مۆڵەتی هاوردەکردن تا مانگی حوزەیران.
دەستەی دەروازە سنورییەكان لە بەیاننامەیەکدا کە دەست ئاژانسی هەواڵی عێراقی (INA) كەوتوە، دەڵێت: لەسەر بنەمای پێشنیارێک کە لەلایەن دەستەكەیانەوە پێشنیاركرا و بەئامادەبوونی سەرۆکی دەستەكە لیوا عومەر عەدنان وائیلی، ئەنجومەنی وەزیران دەنگیدا بە هەڵپەساردنی کاری مۆڵەتی هاوردەكردن تا 8 ی حوزەیران بۆ ئەو کاڵایانەی کە لە بڕیاری 80ی ئەنجومەنی وەزیران لە ساڵی 2022دا هاتووە.
وتیشی: ئەو ڕێوشوێنانە لە گرنگیپێدانی حکومەت بۆ بەرژەوەنی هاوڵاتیان دەرچوون و بۆ ڕێگریکردن لە گرانبوونی نرخی کەلوپەل و کەلوپەلە گرنگەکان.
ئاماژەی بۆ ئەوەشكرد: لە بڕیارەکەدا هاتووە بە پێکهێنانی لیژنەیەکی گرنگ لە فەرمانگە پەیوەندیدارەکان و بە ئەندامێتی سەرۆکی دەستەی دەروازە سنورییەكان بۆ چاودێریکردن و لێکۆڵینەوە لەڕاستی دۆخەکە بەمەبەستی دابینکردنی چارەسەر بۆ هەر تازەگەرییەك کەکاریگەری لەسەر بەرەوپێشچوونی پرۆسەی بازرگانی  هەبێت بۆ ئەوەی پێداویستییەکانی هاوڵاتیان دابین بکەن و خزمەتی هاوردەکاران بکەن و ڕێوشوێنیان بۆ ئاسان بکەن.