قاسم ئەعرەجی: زۆربەی فەرماندەكانی داعس لە زیندانن
ئەمنی
- 9-04-2022, 11:32
بەغداد – INA
قاسم ئەعرەجی راوێژكاری ئاسایشی نیشتمانی عیراق تەئكیدیكردەوە: كە زۆربەی فەرماندەكانی داعش لە زینداندان.
قاسم ئەعرەجی لەكۆنگرەیەكدا كە سەنتەری رافیدەین بۆ لێكۆڵینەوە ئەمڕۆ شەممە رێكخستبوو، لە وتارێكدا كە ئاژانسی هەواڵی عێراقی (INA) ئامادەیبوو، راگەیاند: بوونی كەمپی هۆل لە خۆرهەڵاتی سوریا مەترسیەكی جدیە، وتیشی: زیاتر لە 12 هەزار تیرۆریست لە زیندانی هێزەكانی سوریای دیموكراتدا هەیەو داعش هەوڵدەدات بۆ شكاندنی ئەو زیندانانە.
ئاشكراشیكرد: فەرماندەی ئۆپراسیۆنە هاوبەشەكان و دەزگای ئاسایشی نیشتمانی و دەزگای هەواڵگری تیمێكی نهێنی پشكنینی ئاسایشیان پێكهێناوە بۆ هەموو ئاوارەكانی كەمپی هۆل و وردبینی لە وجبەكانی تردا.
هەروەك داوای لە كۆمەڵگەی نێودەوڵەتی كرد لەگەڵ عێراقدا بن بۆ هەڵوەشاندنەوەی ئەو كەمپە و گواستنەوەی سەرجەم تیرۆرستەكانی كەمپی هۆل بۆ وڵاتەكانیان و دادگاییكردنیان، تەكیدیشیكردەوە: كە عێراق ناوچەكانی خۆرهەڵاتی سوریا بە هەڕەشەیەك بۆ سەر ئاسایشی نیشتمانی خۆی دەزانێت.
