كەشناسیی هەرێم: ئێوارەی شەممە كاریگەری شەپۆڵی خۆڵبارین كۆتایی دێت
ناوخۆ
- 8-04-2022, 17:15
هەولێر- INA
بەڕێوەبەرایەتی گشتیی كەشناسیی هەرێم پێشبینی دەکات، ئێوارەی سبەینێ شەممە كاریگەری شەپۆڵی خۆڵبارین كۆتایی بێت و پلەكانی گەرمیش نزم دەبنەوە.
كەشناسیی هەرێم لە ڕاگەیەنراوێکداكە كۆپییەكی دەستی ئاژانسی هەواڵی عێراقی كەوت تیدا ڕایگەیاند، ئەمڕۆ و سبەینێ شەممە 9-4-2022، ئاسمان لە نێوان نیمچە هەور و هەوری تەواو دەبێت لەگەڵ هەبونی تۆز و خۆڵ و نزم بوونەوەی پلەكانی گەرما بە دوو پلە.
ئاماژەی بەوەشکردووە، سبەینێ ئەگەری بارینی باران لە ناوچە شاخاوییە سنوورییەكان هەیە پێشبینی دەکرێت لەکاتەکانی ئێوارەدا كاریگەری شەپۆلی تۆز و خۆلبارین نەمێنێت.
بە پێی پێشبینییەکانی کەشناسی هەرێم، سبەینێ شەممە پلەكانی گەرما لە تەواوی شار و شارۆكەكان دوو پلە بە بەراورد بە ئەمڕۆ دادەبەزێت.
