لیژنەی دارایی میوانداری وەزیری دارایی دەکات لەسەر یاسای پشتگیری لەناکاو
سیاسی
- 5-04-2022, 15:00
بەغداد/INA
ئەمرۆ سێ شەممە سەرۆکی لیژنەی دارایی پەرلەمانى حەسەن کەعبی رایگەیاند کە یاسای ئاسایشی خۆراک پشتیوانی لەپرۆژەکان دەکات بۆ ئەم مەبەستەش میوانداری وەزیری دارایی دەکات بۆ پرساندنی یاساکە.
لەبەیاننامەیەکدا کە ده‌ستى ئاژانسی هەواڵی عێراقى (INA)كه‌وتووه رایگه‌یاند "لیژنەی دارایی کۆبوونەوەیەکی بە سەرۆکایەتی حسن کەریم کەعبی و ئامادەبوونی ئەندامەکانی ئەنجامدا بۆ تەواوکردنی گفتوگۆکانی پشتگیری لەناکاو بۆ یاسای ئاسایش و گەشەپێدانی خۆراک و پەرەپێدانی تێبینی و پێشنیازی گرنگ پێش ئەوەی بخرێتە دەنگدانەوە".
لە کۆبوونەوەکەدا کەعبی وتی: "پێویستە هاوکێشەی گونجاو پەرە پێبدەین کە ئاوات و پێداویستییەکانی هاوڵاتیانە ".
وتیشی: "یاساکە پشتگیری دروستکردنی کار و جوڵانەوەی پرۆژەکان دەکات".
ھەر لە کۆبوونەوەکەدا کە لە شوێنی کۆبونەوکانی لیژنەکە بەڕێوەچوو، لیژنەکە پەرەگرافەکانی یاساکەی خوێندەوە بۆ ئەوەی بەشێک لە دەقەکانی تێدا کۆتایی پێبهێنرێت و بگەن بە خاڵەکانی کۆتایی،جگە لەدانانی داهات و سەرفکردنی سەقفەکان، مەسەلەی دانەوەی قەرزی دراوی و نەهێشتنی بڕگەی قەرزکردن تەوەرێکی گفتوگۆکان بون.
لە بەشێکێ تری کۆبوونەوەکەدا، لیژنەکە تیشکی خستە سەر کەرتەکانی "پشتگیریکردنی کارتی ئاودێری و پشتگیریکردنی گەنم و جۆ و بەرھەمە کشتوکاڵییەکان و پێدانی پارەی جوتیاران و پێدانی کارەبا و پێدانی نەوت و پشتگیریکردنی پرۆژەی پارێزگاکان بەپێی ڕێژەی دانیشتوان".
ھاوکات ته‌ئکید کرایەوە لەسەر خۆشگوزەرانی کۆمەڵایەتی و کەسانی خاوەن پێداویستی تایبەت بۆ باشترکردن و زیادکردنی دەرماڵەکانیان".
سەرۆکی لیژنەی دارایی روونیشیکردەوە کە "من میوانداری وەزیری دارایی دەکەم بۆ ئەوەی چەند پرسیارێک لەبارەی یاساکەوە چۆنیەتی کردنەوەی حسابێکی تایبەت بۆ گواستنەوەی دەرماڵە تەرخانکراوەکان و سەرچاوەکانی پارەدان بکەم".
