وەزیری خوێندنی باڵا داوادەکات یاسای خانەنشینی بخرێتە بەر باس و تایبەتمەندی بدرێتە ماموستایانی زانکۆ

بەغداد/ INA 
نەبیل کازم عەبدولساحب  وەزیری خوێندنی باڵا  ئەمرۆ هەینی داوای کرد پێداچونەوە بە یاسای خانەنشینی وپێدانی تایبەتمەندی بە پرۆفیسۆری زانکۆ و دابینکردنی پێداویستییە شایستەکانی ژیان  و نیشتەجێبوونیان بۆ بکرێت.
وەزیری خوێندنی باڵا لە راگەیەندراوێکدا کە لەلایەن ئاژانسی هەواڵی عێراقى (INA)بڵاو دەکرێتەوە ،رایگەیاندوە "ئێمە پەرۆشی خۆمان  و دووپات  دەکەینەوە و داوا لە ئەنجومەنی نوێنەران دەکەین کە یاسای خانەنشینیی چارەسەر بکات  کە تایبەتمەندی دەداتە مامۆستای زانکۆ و چارەسەری ئەو کاریگەرییە دەکات کە لە ماوەی سێ ساڵی داهاتوودا زیاتر لە 3000 مامۆستا و پرۆفیسۆری یاریدەدەر خانەنشین بکرێن" 
وتیشی: "وەزارەتی خوێندنی باڵا ، زانکۆ و ئەنجومەنەکانیان و لیژنەکانیان ڕاسپاردووە بۆ کاراکردنی دەسەڵاتەکانیان بۆ درێژکردنەوەی خزمەتی مامۆستایان بەپێی یاسا" و وتیشی: "وەزارەتەکە ماوەی زیاتر لە ساڵێکە کاری کردووە بۆ داڕشتنی سیستمی سندوقی خانەنشینی مامۆستایان  و وانەبێژان لە زانکۆ و کۆلیژە ئەھلیەکان
کە ئێمە بەم دواییانە لە کابینەکە پەسەندمان کردووە" 
وتیشی: "وەزارەتی خوێندنی باڵا داوا لەلایەنە پەیوەندیدارەکان دەکات کە پارێزگاری لەبەرپرسیاریەتی ئازادییە ئەکادیمییەکان بکەن و پێداویستی مامۆستایان دابین بکەن بۆ بژێوی شایستە و نیشتەجێبوونی شایستە، چونکە ئەم بەشە نوێنەرایەتی سامانێکی نەتەوەیی دەکات کە  پێویستە بە شێوەیەکی گونجاو پارێزراو بێت و پشتگیری بکرێت"