وەزارەتی نەوت میكانیزی بەڕێوەبردنی پیشەسازی نەوەتی لە هەرێم تاوتوێ دەكات
ئابوری
- 29-03-2022, 15:57
بەغداد ـ INA
وەزارەتی نەوت و کۆمپانیای نەوتی نیشتمانی عێراق ئەمڕۆ سێشەممە وۆرکشۆپێکیان لەگەڵ ژمارەیەک لەشارەزایانی نێودەوڵەتی رێكخست سەبارەت بە میکانیزمی بەڕێوەبردنی پیشەسازی نەوتی لەهەرێمی کوردستان لەسەر بنەمای دەستوور.
وەزارەتی نەوت لە بەیاننامەیەكدا كە دەست ئاژانسی هەواڵی عێراقی (INA) كەوتوە، دەڵێت: لە وۆرکشۆپەکەدا تایبەتمەندی و دامەزراوەکانی کارکردن لەو گرێبەستانەی کە لە هەرێمی کوردستان ئەنجامیانداوە گفتووگۆی لەبارەوەكرا.
ئاماژەی بەوەشدا: وۆرکشۆپەکە بە ئامادەبوونی وەزیری نەوت ئیحسان عەبدولجەبار و بریکارەکان و بەڕێوەبەرە گشتییەکانی ناو وەزارەت و کۆمپانیای نەوتی نیشتمانی و ئەو لیژنانە بەڕێوەچوو کە بۆ ئەم مەبەستە پێکهێنراون.
وەزارەتی نەوت لیژنەیەكی تایبەتمەندی پێكهێناوە بۆ جێبەجێكردنی بڕیارەكانی دادگای فیدراڵی.
