سەرۆک كۆمار و وەزیری دەرەوەی لۆکسمبۆرگ باس له‌ره‌وشی په‌نارانی عێراقی له‌ئه‌ورۆپا ده‌كه‌ن

به‌غدادـINA

د. بەرهەم ساڵح، سەرۆک کۆماری عێراق ئەمڕۆ سێشەممە (29ی ئازاری 2022) له‌كۆشكی سه‌لام له‌به‌غدا، پێشوازیکرد لە ژان ئەسێلبۆرن، وەزیری دەرەوەی لۆکسمبۆرگ و باس لە بارودۆخی په‌نابه‌رانی عێراقی كرد له‌ئه‌ورۆپا.

به‌پێی راگه‌یه‌ندراوی سه‌رۆكایه‌تی كۆماری عێراق كه‌كۆپیه‌ك بۆ ئاژانسی هه‌واڵی عێراقی (INA)، لەدیدارەکەدا گفتوگۆکرا لەبارەی پەیوەندییە دوقۆڵییەکان و رێگاکانی بەهێزکردنی پەیوەندییەکان لەبوارە جیاجیاکاندا، هەروەها بەگرنگییەوە باس لە هاوکاری و ھەماھەنگی هاوبەشی نێوان عێراق و یەکێتی ئەوروپا کرا، ھاوکات ئاماژەکرا بۆ دۆخی ئاوارە و ھاوڵاتیانی عێراقی دانیشتوی لۆکسمبۆرگ و ئەوروپا و پرسی ئاوارەکانی ناوخۆی عێراق، بەتایبەتی ئێزدیەکان.

لە بەشێکی دیکەی دیدارەکەدا باس لە بارودۆخی مرۆیی ئاوارەکانی ئۆکرانیا کرا، کە بەھۆی ئۆپراسۆنە سەربازییەکانی نێوان روسیا و ئۆکرانیا ھاتوەتە ئاراوە، ھەروەھا لێکەوتە ئابورییەکانی بۆ سەر هەمو جیهان و عێراق، جەختیشکرایەوە لەگرنگی رەتکردنەوەی بەکارهێنانی هێز و توندوتیژی بۆ چارەسەرکردنی کێشە و قەیرانەکان و گەڕانەوە بۆ دیاڵوگ بە ئامانجی ھێنانەدی ئاشتی و ئاسایش لە جیھان.

لەلای خۆیەوە، وەزیری دەرەوەی لۆکسمبۆرگ هەڵوێستی وڵاتەکەی بۆ پشتیوانی لە عێراق و پاراستنی ئاسایش و سەقامگیری عێراق دوپاتکردەوە، ھەروەھا جەختیکردەوە لەگرنگی پتەوکردنی پەیوەندییە دوقۆڵییەکانی نێوان عێراق و لۆکسمبۆرگ بە ئاڕاستەی پاراستنی بەرژەوەندیی هەردو وڵات لە ئاستە جیاجیاکاندا.