دەستەی حەج ژمارەی عه‌مره‌كارانی عێراق ئاشكرا ده‌كات
ناوخۆ
- 25-03-2022, 21:00
به‌غدادـ INA
دەستەی باڵای حەج و عەمرە دووپاتیكردەوە ئەو كۆمپانیانەی لەلایەن دەستەی حەج و عەمرەوە باوەڕپێكراون ٢٠٠ هەزار و ٤٠٩ عەمرەكاریان لە رێگەی هێڵی ئاسمانی عێراقەوە ناوی خۆیان بۆ ئەنجامدانی عەمرە تۆمار كردووە.
لە ریاگەیندراوێكدا كە كۆپییەكی به‌دەست ئاژانسی هەواڵی عێراقی (INA ) كەوتوه وتێدا هاتووە " لەو ژمارەیە ٩٣ هەزار و ٣٨٩ عەمرەكار لەڕێگەی فڕۆكەخانەی بەغداوە و٣١ هەزار و ٩٠٩ عەمرەكاری دیكەش لەڕێگەی فڕۆكەخانەی هەولێرەوە و ٥٠ هەزار و ٦٣٣ عەمرەكار لەڕێگەی فڕۆكەخانەی نەجەف و ١٨ هەزار و ٣٨٣ عەمرەكار لەڕێگەی فڕۆكەخانەی بەسرە و شەش هەزار و ٩٥ عەمرەكاری دیكە لە رێگەی فڕۆكەخانەی سلێمانیەوە گەشتەكانیان ئەنجامدەدەن.
دەستەكە ئاماژەی بەوەشكرد كە ئەو هاوڵاتییانەی خوازیارن لە هەردوو مانگی رەمەزان و شەوال دا عەمرە ئەنجامبدەن، پێویستە ناوی خۆیان تۆماربكەن ، تەنها لەو كۆمپانیایانەی لەلایەن دەستەی حەج و عەمرەوە باوەڕپێكراون.
(INA)پیرۆزبایی ٦٥ ساڵەی دامەزراندنی پێده‌گات
- ناوخۆ
- 01:36
