وەزارەتی كشتوكاڵ دوو میكانیزمی نوێی بۆ بەرهەمهێنانی شەكر و زەیتی خۆماڵی ئاشكرا ده‌كات
ئابوری
- 23-03-2022, 22:44
به‌غداد- INA
وەزارەتی كشتوكاڵ ئاشكریكرد، ئەگەر رێگە بە چاندنی گەنمەشامی و قامیشی شەكر بدرێت و ئاوی پێویستی بۆ دابین بكرێت ئەوا دەتوانرێت بەرهەمی زەیت و شەكری خۆماڵی پەرەیپێبدرێت و پێداویستی ناوخۆیی دابین بكات.
حەمید نایف بەرپرسی راگەیاندنی وەزارەتی كشتوكاڵ بەئاژانسی هەواڵی عێراقی( INA ) راگەیاند وەزارەتەكەمان پلانی هەیە بۆ زیادكردنی زەوی زیاتر لە مانگی پێنج بۆ چاندی چەڵتووك ،ئەم پلانەیش دەدرێت بە وەزارەتی سەرچاوە ئاوییەكانی لە رێگای لیژنەیەكی هاوبەش لە نێوان هەردوو وەزارەت.
وتیشی ئەگەر رێگەبدرێت گەنمەشامی و قامیشی شەكر بچێنرێت،لە پارێزگای میسان ئەوا دەتوانرێت بەرهەمی ناوخۆیی زەیت و شەكر پەرەیپێبدرێت و پێداویستی ناوخۆیی دابین بكات.
ئەوەشی خستەڕوو، وەزارەتی كشتوكاڵ هیچ پشتیوانییەكی لێنەكراوە تا شایستە داراییەكانی جوتیاران و خاوەن پرۆژه‌ی په‌له‌وه‌ره‌كان له بەرهەمهێنانی هێلكە و مریشك خەرجبكرێن.
