كازمی بڕیاری دا پێداویستی و داواكارییەكانی بنەماڵەی شەهید عەبیر خەفاجی جێ بەجێ بكات

به‌غداد- INA

مستەفا كازمی سەرۆكی ئەنجومەنی وەزیران ڕۆژی چوارشەممە بڕیاری دا پێداویستی و داواكارییەكانی بنەماڵەی شەهید عەبیر خەفاجی سەرۆكی پێشووی شارەوانی كەربەلای جێبه‌جی بكات.
نووسینگەی سەرۆك وەزیران له‌به‌یاننامه‌یه‌كی دا كە كۆپیەكی دەستی ئاژانسی هەواڵی عێراقی (INA) كەوت و تیدا هاتووە سەرۆكی ئەنجومەنی وەزیران مستەفا كازمی پێشوازیكرد لە خانەوادەی شەهیدی ئەندازیار عەبیر ئەلخەفاجی سەرۆكی پێشووی شاره‌وانی كەربەلا . كازمی  سەرەخۆشی لە بنەماڵەی شەهید عەبیر كرد و داوای لێكردن شانازییان پێوە بكەن كە شەهیدەكە لە كاتی ئەركەكەیدا شه‌هیدكراوه‌، ئەم كەسانە كە ژیانیان بۆ جێبەجێكردنی یاسا و خزمەتی گەل ته‌رخان ده‌كه‌ن جیگای شانازی هەمووانن. كازمی دڵنیایی دا بە باشتركردنی ڕەوشی ژیانی كەسوكاری شەهیدی ناوبراو و جێ بەجێكردنی هەموو داواكاری و پێداویستییەكانیان و كارئاسانیشی بۆی بكرێت. 
بەڕێوەبەری شارەوانیی كەربەلا عەبیر خەفاجی لە مانگی ئابی ڕابردوودا دوای ئەوەی سێ گۆلە كۆتایان بەژیانی هێنا، هێرشەكە دوای ئەوە هات كە شەهید عەبیر سەربەشتی و چاودێریكردنی هەڵمەتێك بۆ هەڵگرتنی زیاده‌روییەكان لە دەڤەری مەعمەلچی ده‌كرد.
جێگای ئاماژه‌ پێكردنه‌ له‌ڕۆژی 22ی هەمان مانگ دادگای تاوانەكانی كەربەلا سزای لەسێدارەدانی بە بكوژی ئەندازیار خەفاجی دا.