وەزارەتی دەرەوە باڵیۆزی ئێران بانگ دەكات
سیاسی
- 13-03-2022, 20:30
بەغداد ـ INA
وەزارەتی دەرەوەی عێراق ئەمڕۆ یەکشەممە باڵیۆزی ئێرانی لەبەغدا بانگ كرد و یاداشتێکی ناڕەزایی لەبەرامبەر بەئامانجگرتنی شاری هەولێر پێشكەش كرد.
وەزارەتی دەرەوە لە بەیاننامەیەكدا کە دەست ئاژانسی هەواڵی عێراقی (INA)كەوتوە، ڕایگەیاند: دوانیوەڕۆی ئەمڕۆ باڵیۆزی کۆماری ئیسلامی ئێران لە عێراق بانگ كرد و ئاگاداریكردەوە لە ناڕەزایی حکومەتی عێراق لە بەرامبەر هێرشە موشەکییەکانی ئێران بۆ سەر پارێزگای هەولێر لە هەرێمی کوردستانی عێراق لە 2022 / 3 / 13 و بەهۆیەوە زیانی ماددی لێكەوتەوە،و زیان بەر ماڵ و خانوی هاوڵاتیان كەوتوە،و ترسی لای هاوڵاتیانی ناوچەكە دروستكردوە.
هەروەك ئیدانەی ئەو پێشیلکارییەمانکرد کە کرایەسەر سەروەری و خاکی عێراق، تەئكیدیشكرایەوە كە ھەڵوێستی لەمجۆرە پێشێلکردنی بنەماکانی ھاوسێیەتییە.
ئەمە لە كاتێكدایە هەر ئەمڕۆ ئەنجومەنی وەزاری بۆ ئاسایشی نیشتمانی عێراق داوای لە لایەنی ئێرانی کرد ڕوونکردنەوەی ڕاشکاوانە سەبارەت بە هێرشە موشەکییەکانی سەر شاری هەولێر پێشکەشبکات.
