وەزارەتی ناوخۆ: لەمانگی رەمەزاندا پشکنین بەردەوام دەبێت
ناوخۆ
- 13-03-2022, 15:10
بەغداد ـ INA
وەزارەتی ناوخۆ ئەمڕۆ یەکشەممە رایگەیاند: نرخی خۆراک لە بازاڕدا تاڕادەیەک جێگیر بوەو لە مانگی رەمەزانیشدا پشکنینەکان بەردەوام دەبێت.
لیوا سەعد مەعن، بەڕێوەبەری راگەیاندن و پەیوەندییەکانی وەزارەتی ناوخۆ بە ئاژانسی هەواڵی عێراقی (INA)ی ڕاگەیاند: پشکنینی نرخ لە مانگی ڕەمەزاندا بەردەوام دەبێت و وتیشی: لە پێش مانگی ڕەمەزاندا بەهۆی هەڵپەی هاوڵاتیان بۆ کڕین و کۆگاکردنی کاڵاکان زۆربەی کات دەبێتە هۆی بەرزبوونەوەی نرخەكان.
ئاشكراشیكرد: دەستپێشخەریەكەی حکومەت دەستیپێکرد، بەهەوڵی دەزگای لێکۆڵینەوەی فیدڕاڵی وەزارەت، بەتایبەتی لەڕێگەی بەڕێوەبەرایەتی گشتی تاوانی ڕێکخراوەوە، سەرەڕای ڕۆڵی گەورە لە ئاگاداركردنەوەو وریاكردنەوەی خەڵك لەلایەن بەشی پەیوەندییەکان و راگەیاندنی وەزارەتی ناوخۆ و لەڕێگەی پۆلیسی کۆمەڵگە و تیمە مەیدانییەکانی دەزگای هەواڵگرییەوە، بەڵام ژمارەیەک سەرپێچی هەر كراو سەرپێچیکارانیش دەستگیرکران.
وتیشی: هەماهەنگی لەگەڵ وەزارەتەکانی بازرگانی و کشتوکاڵ و لایەنە پەیوەندیدارەکان هەیە بۆئەوەی نرخ تاڕادەیەک بە جێگیری بمێنێتەوە.
