كازمی: هێرشكردنە سەر هەولێر و ترساندنی دانیشتوانەكەی پێشێلكارییە بۆ سەر ئاسایشی گەلەكەمان
سیاسی
- 13-03-2022, 03:30
بەغداد ـ INA
مستەفا كازمی سەرۆك وەزیران رایدەگەیەنێت: هێرشكردنە سەر هەولێر و ترساندنی دانیشتوانەكەی پێشێلكارییە بۆ سەر ئاسایشی گەلەكەمان.
درەنگانێكی شەوی رابردوو مستەفا كازمی سەرۆك وەزیرانی عێراق دوای هێرشە موشەكیەكە بۆ سەر شاری هەولێر،لە تویتێكدا كە ئاژانسی هەواڵی عێراقی (INA) بینیوێتی، دەڵێت: هێرشكردنە سەر شاری هەولێری ئازیز و ترساندنی دانیشتوانەكەی پێشێلكارییە بۆ سەر ئاسایشی گەلەكەمان.
وتیشی: ئێمە لەگەڵ برامان سەرۆكی حكومەتی هەرێمی كوردستان بەدواداچوونمان كردووە و هێزە ئەمنییەكانمان لێكۆڵینەوە لەو هێرشە دەكەن بۆ ئەوەی زیان بە ئاسایشی شارەكان و سەلامەتی هاوڵاتیانمان نەكەوێت.
پێشتر شانەی ڕاگەیاندنی ئەمنی ڕایگەیاند: كەهێزەكانی ئاسایش لێكۆڵینەوەیان لەبۆردومانی سەر شاری هەولێر دەستپێكردووە،
لە راگەیەندراوەكەی شانەی راگەیاندنی ئەمنی كەدەست ئاژانسی هەواڵی عێراقی (INA) کەوتووە، دەڵێت: شاری هەولێر ئەمشەو بە ژمارەیەك مووشەك هێرشی كرایە سەر كە لە شوێنی جیاجیاكاندا كەوتنەخوارەوە.
