وەزیری دەرەوە: حکومەت هه‌وڵده‌دات بۆ دروستکردنی ژینگەیەکی سەرنجڕاکێش بۆ وەبەرهێنانی بیانی
سیاسی
- 11-03-2022, 13:39
بەغداد ـ INA
فوئاد حسێن وەزیری دەرەوە ئه‌مڕۆ هەینی، جه‌ختیكرده‌وه حکومەت بەرەو دروستکردنی ژینگەیەکی گونجاو بۆ وەبەرهێنانی بیانی هه‌نگاوده‌نێت.
وه‌زاره‌تى ده‌ره‌وه له راگه‌یه‌ندراوێكدا كه ده‌ستى ئاژانسى هه‌واڵى عێراقى(INA) كه‌وتووه رایگه‌یاند:"فوئاد حسێن، وەزیری دەرەوە لە پەراوێزی کۆڕبەندی دیپلۆماسی ئەنتالیا چاویکەوت بە ئەنایانسی ڕۆدێریگس کامیۆ جێگری وەزیری دەرەوەی کوبا"،وتیشی: "لە چاوپێكه‌وتنه‌كه‌دا باس لە پتەوکردنی پەیوەندییە دووقۆڵییەکان و ڕاوێژکردن لەسەر چۆنیەتی مامەڵەکردن لەگەڵ کێشە جۆراوجۆرەکان و گرفتە هەرێمییەکان کرا کە عێراق داوای چارەسەری بەردەوام دەکات بۆ سەرخستنی سەقامگیری لە ناوچەکەدا".
ئاماژه‌ى به‌وه‌كرد"گرنگە پەیوەندییە دووقۆڵییەکان بەهێز بکرێت بە هەمەچەشنکردنی چوارچێوەکانی ڕاوێژکردن و هاوکاری هاوبەش کە دەبێتە هۆی ئەوەی کە هاوکاری ئاسایش و سەقامگیریی هەرێم بکات"، و وتیشی"بەغدا چاوەڕێی بەردەوامبوون و زیادکردنی پشتیوانییە بۆ هەموو ئەو هەوڵ لە ئاستە سیاسی و ئابوورییە جۆراوجۆرەکاندا بەردەوامە، کە بۆ هەردوو وڵات باشە".
له راگه‌یه‌ندراوه‌كه هاتووه "حکومەت هه‌نگاو ده‌نێت بەرەو دروستکردنی ژینگەیەکی سەرنجڕاکێش بۆ وەبەرهێنانی بیانى، بۆ دابینکردنی ڕێگەیەک بۆ پەرەپێدانی بەڵێندەرانی هەلی وەبەرهێنان بۆ کۆمپانیا بیانیەکان بۆ وەبەرهێنان لە عێراق و هەماهەنگی هاوبەشی نێوان هەردوو وڵات".
لاى خۆیه‌وه ئەنایانسی ڕۆدێریگس کامیۆ جه‌ختیكرده‌وه "حکومەته‌كه‌ى پەرۆشە بۆ ئەوەی باشترین پەیوەندی لەگەڵ عێراق دروست بکات بەهۆی گرنگییە ستراتیژییەکەی لە ناوچەی ڕۆژهەڵاتی ناوەڕاست و ئیدارەکەی بە پەرۆشە لە قۆناغی داهاتوودا بە هاوکاری دوولایەنە لەگەڵ بەغدا لە بوارە جیاجیاکاندا".
