وەزیری دەرەوەی عێراق گەیشتە قاهیرە
سیاسی
- 9-03-2022, 11:00
بەغداد ـ INA
فوئاد حسێن وەزیری دەرەوەی عێراق گەیشتە قاهیرە بۆ بەشداریكردن لە 157ەمین دانیشتنی کۆمکاری عەرەبی.
وەزاەتی دەرەوە ئەمڕۆ چوارشەممە لە بەیاننامەیەكدا كە دەست ئاژانسی هەواڵی عێراقی (INA) كەوتوە، دەڵێت: حسێن گەیشتە قاهیرەی پایتەختی میسر بۆ بەشداریکردن لە157ەمین دانیشتنی ئاسایی کۆمکاری عەرەبی لەسەر ئاستی وەزاری.
ئاماژەی بۆ ئەوەشكردوە: وەزیرانی دەرەوە چەندین بابەت تاوتوێ دەکەن، کە دیارترینیان ئامادەکاریە بۆ کۆبوونەوەی داهاتووی عەرەبی لە جەزائیر و پرسی فەلەستین و کێشەی عەرەب و ئیسرائیل و پێشهاتە هەرێمی و نێودەوڵەتیەکان.
وتیشی: چاوەڕوان دەكەین وەزیری دەرەوە لە چوارچێوەی پتەوکردنی پەیوەندییە دووقۆڵییەکان و کاراکردنی بەرژەوەندییە هاوبەشەکان و ڕووبەڕووبونەوەی مەترسییە هاوبەشەکان چەندین دیدار لەگەڵ هاوتا عەرەبەکانی خۆی ئەنجام بدات.
