وتەبێژی ئەنجومەنی وەزیران میکانیزمی خەرجکردنی 100 هەزار دینارەكە روندەكاتەوە
سیاسی
- 9-03-2022, 11:31
بەغداد ـ INA
حەسەن نازم وتەبێژی ئەنجومەنی وەزیران میکانیزمی خەرجکردنی 100 هەزار دینارەكە بۆ ئەو كەسانەی كە دەیانگرێتەوە روندەكاتەوە.
حەسەن نازم ئەمڕۆ چوارشەممە بە ئاژانسی هەواڵی عێراقی (INA)ی رایگەیاند: خەرجکردنی ئەو 100 هەزار دینارەی دوێنێ سێشەممە لەلایەن ئەنجومەنی وەزیرانەوە پەسەندکرا، لە ڕێگەی بانکەکانەوە یان بە کارتی (كی كارد) وەک مووچەی مانگانە خەرجدەکرێت، وتیشی: ئەو كەسانەی كە ئەو بڕە پارەیە دەیانگرێتەوە وەک چاودێری كۆمەڵایەتی و خانەنشینان و فەرمانبەران، هەموویان ناویان لای ئێمە بەردەستن.
رونیشیكردەوە: ئەم بەخشینە چوار چین دەگرێتەوە ئەوانیش (خانەنشینان کە موچەی مانگانەیان کەمتر لە یەک ملیۆن دینارە، فەرمانبەران كە موچەكەیان 500 هەزار كەمترە، و چاودێری كۆمەڵایەتی و ئەو كەسانی كە داهاتیان كەمە.
وتیشی: میکانیزمەکە ڕوونە، چونکە ناوی هەموو ئەو چینانە لە فەرمانگە پەیوەندیدارەكان تۆمارکراون.
دوێنێ سێشەممە ئەنجومەنی وەزیران ڕێنمایی پێدانی 100 هەزار دینار و پاکێجێکی بڕیاری نوێی پەسەندکرد.
