وەزارەتی بازرگانی: كازمی رەزامەندی دەربڕیوە بۆ کڕینی دوو ملیۆن تۆن گەنم
ناوخۆ
- 8-03-2022, 14:20
بەغداد ـ INA
وەزارەتی بازرگانی تەئكید لە ڕێوشوێنی بەپەلە بۆ دابینکردنی خەزێنەی ستراتیجی گەنم دەكاتەوەو و دەڵێت: گرێبەستی لەگەڵ کۆمپانیا نێودەوڵەتییەکاندا هەیە بۆ دابینکردنی گەنم و ڕەزامەندی سەرۆک وەزیرانیشیان بەدەستهێناوە بۆ کڕینی دوو ملیۆن تۆن گەنم.
محەمەد حەنون وتەبێژی وەزارەتی بازرگانی ئەمڕۆ سێشەممە بە ئاژانسی هەواڵی عێراقی (INA)ی ڕاگەیاند: لە كۆبونەوەیەكدا بە سەرۆكایەتی مستەفا کازمی سەرۆک وەزیران ، وەزارەتی بازرگانی چەندین پێشنیازی خستە بەردەم كازمی بە ئامانجی پەرەپێدانی پلانی پاراستنی خۆراک، لەوانە داوای هاوردەكردنی 2 ملیۆن تۆن گەنمی كرد، تەئكیدیشی لە بەدەستهێنانی رەزامەندی كردەوە بۆ كڕینی ئەو بڕە گەنم.
ئاماژەبەوەشدەكات: بەنیازن پشتیوانی لە ئاشەكان بکەن بۆ بەرهەمهێنانی زیاتری ئارد.
