كازمی مۆزەخانەی نیشتیمانی عێراق دەكاتەوە
سیاسی
- 6-03-2022, 12:30
بەغداد ـ INA
مستەفا کازمی سەرۆک وەزیران، مۆزەخانەی نیشتیمانی عێراق دوای نۆژەنکردنەوەی کردەوە، و داوای بەردەوامی هەوڵەكانی كرد بۆ گەڕاندنەوەی شوێنەوارەكانی عێراقی لەڕێگەی هەماهەنگی دیپلۆماسی لەگەڵ وڵاتاندا.
نووسینگەی سەرۆک وەزیران ئەمڕۆ یەك شەممە لە بەیاننامەیەكدا كە دەست ئاژانسی هەواڵی عێراقی (INA)كەوتوە، رایگەیاند: مۆزەخانەی نیشتمانی عێراق دوای کاری چاکسازی و چاککردنەوەی هۆڵەکانی لەلایەن مستەفا كازمییەوە كرایەوە، كازمی ئاماژەی بۆ ئەوەكرد: کردنەوەی مۆزەخانەكە هاوکاتە لەگەڵ ڕۆژی ئاشتەوایی نیشتمانی و یادی یەک ساڵەی سەردانە مێژووییەکەی پاپا فرانسیس بۆ عێراق و دیدارە مێژووییەکەی لەگەڵ سەماحەتی مەرجەعی باڵا سەید سیستانی.
هەروەك کازمی پێشانگای شوێنەوارەكانی عێراقی کردەوە کە لە پێنج وڵات لەوانە ئەمریکا، هۆڵەندا، ژاپۆن، ئیتالیا و لوبنانەوە گەڕێنراونەتەوە.
