وەزیری بەرگری: عێراق لە هەوڵی دامەزراندنی قۆناغێکی نوێدایە بۆ بنیاتنانی توانای هێزە چەكدارەكانی
ئەمنی
- 2-03-2022, 12:04
بەغداد - INA
جومعە عیناد وەزیری بەرگری رایگەیاند: عێراق لە هەوڵی دامەزراندنی قۆناغێکی نوێدایە بۆ بنیاتنانی توانای هێزە چەكدارەكانی.
ئەمڕۆ چوارشەممە لە میانەی کردنەوەی پێشانگای ئاسایش و بەرگری كە پەیامنێری ئاژانسی هەواڵی عێراقی (INA) ئامادەیبوو، وەزیری بەرگری باسی لە پێویستی پێشانگاكە كرد و رایگەیاند: پێشانگاکە ڕێگایەكە كە دوایین بەرهەمی وڵاتانی بەشدار لە پیشەسازییە سەربازییەکان ببینیت و ئەوەی گونجاوە لەگەڵ ئەو پلانانەی کە دانراوە هەڵبژێرن كە لە پێشدا ئامادەکراون بۆ گەشەپێدانی سیستمی سەربازی.
وتیشی: هەوڵەکان بۆ پەرەپێدانی توانای چەک بەراورد دەکرێت لەگەڵ ئەوەی لە جیهاندا هەیە، بەتایبەتی دوای پێشکەوتنی گەورە لەم بوارەدا و هاتنە ناوەوەی تەکنەلۆجیای مۆدێرن.
رونیشیكردەوە: گەشەپێدان ڕۆڵێکی سەرەکی دەبینێت لە بەدیهێنانی کارەکانی وەزارەت بۆ دابینکردنی ئاسایش لەسەرانسەری عێراقدا، و ئاسایش و ئارامیش کلیلی بنیاتنانی وڵاتە، چونکە سەقامگیری دەرگاکان دەکاتەوە بۆ وەبەرهێنان و ئاوەدانکردنەوە و ئەمەش دەبێتە هۆی ڕەخساندنی هەلی کار بۆ خەڵکی وڵات.
وتیشی: پێشانگای ئاسایش و بەرگری هانی پیشەسازی و بەرهەمهێنانی نیشتمانی دەدات و هەوڵدەدات تا ئاستی خواستەكان بەرزبێتەوە، هەروەك ستایشی هەموو ئەو کارمەندانەی کرد کەهەوڵیانداوە پێشانگاكە لەکاتی خۆیدا رێكبخەن.
