پەرلەمانتارێك داوا لە کازمی دەكات سكرتێری بەغدا دەربکات
سیاسی
- 27-02-2022, 13:20
بەغداد ـ INA
عالیە نوسەیف پەرلەمانتاری عێراق داوای لە مستەفا کازمی سەرۆک وەزیران کرد سكرتێری بەغدا لە كارەكەی دەربکات بەهۆی هێرشکردنی بۆ سەر جێگری سەرۆکی شارەوانی شوعلە و ژمارەیەک لە کرێکاران.
نوسەیف ئەمڕۆ یەکشەممە لە بەیاننامەیەكدا کە بۆ ئاژانسی هەواڵی عێراقی (INA)ی ناردوە، ڕایگەیاند: سکرتێری بەغدا هێرشیکردە سەر جێگری سەرۆکی شارەوانی شوعلە ئەندازیار سادق (لەبەرچاوی ئێمە) و لەبەردەم کرێکارانی شارەوانی و سەردانیکەرانی ئیمام کازم (سەلامی خوای لەسەر بێت).
وتیشی: سکرتێری بەغداد یەخەی چاكەتەكی ئەندازیار سادقی ڕاکێشا و سووکایەتیی بە خۆی و کارمەندانی شارەوانی کرد و بە قسە سوکایەتی پێکردن.
رونیشیكردەوە: سکرتێری بەغدا تەنها بەمە نەوەستاوە
بەڵکو جێگری سەرۆکی شارەوانی گواستوەتەوە.
نوسەیف پرسیار دەكات و دەڵێت: ئایا ئەو کەسەی ڕێز لە کەرامەتی مرۆڤ ناگرێت، دەکرێت لە پۆستی سکرتێری بەغدادا بێت؟ ئایا خۆبەزلزانی بەسەر خەڵکدا لەلایەن هەندێک بەرپرسەوە گەیشتۆتە ئەو ڕادەیەی کە سوکایەتی بەفەرمانبەران و کرێکاران بکات؟
ناوبراو، داوای لە سەرۆک وەزیران کرد کە دەستبەجێ سکرتێری بەغدا دەربکات و وتی: ئەم ڕەفتارە شەرمنانە قبوڵ ناکرێت و بە یاسا بەرپرسیارە و هێرشێکی زەقە بۆ سەر فەرمانبەری حکومەت لە كاتی ئەرکدا.
هەروەها داوایكرد ئەندامانی ئەنجومەنی نوێنەران و داواكاری گشتی هەڵوێستی توندیان هەبێت بەرامبەر هەموو پێشێلکاری و ڕەفتارەکانی ئەو کەسە و چاو بەدۆسەی هەموو ئەو کەسانەدا بخشێننەوە کە بەهۆی کارە نایاساییەکانییەوە زیانمەند بوون.
