خۆرهەڵاتی ئەوروپا ... فەرەنسا 9500 سەرباز بڵاودەكاتەوە
جیهانی
- 27-02-2022, 08:00
بەدواداچون ـ INA
فەرەنسا زیاتر لە 9500 سەرباز لە وڵاتانی خۆرهەڵاتی ئەوروپا بڵاودەكاتەوە، كە وەك بەشێك لە جوڵەكان بۆ وەڵامدانەوەی روسیا لە ئامادەباشیدان.
دەستەی ئەركانی سوپای فەرەنسا ڕایانگەیاند: زیاتر لە 1500 سەربازی فەرەنسی کە ڕاستەوخۆ بەشداری لە ئەرکەکاندا دەكەن بۆ بەهێزکردنی پێگەی ناتۆ لە لایەنی خۆرهەڵاتەوە.
وتیشی: 500 سەرباز لە ڕۆمانیا بڵاو دەکرێنەوە، جگە لەو 300 سەربازەی كە ئێستا لە ئیستۆنیان.
رونیشیكردەوە: ٦٠٠ سەرباز لە فەڕەنسا کۆکراونەتەوە بۆ ئەنجامدانی گەشت لەسەر پۆڵەندا، ئاماژەی بۆ ئەوەشكرد: لە 24ی شوباتەوە فەڕەنسا بە دوو ئەرکەوە لە ڕۆژێکدا بەشداری بەرگری لە ئاسمانەکانی پۆڵەندا دەکات.
ئاشكراشیكرد: نزیکەی 8000 سەربازی فەرەنسی لە حاڵەتی ئامادەباشیدان وەک بەشێک لە هێزی کاردانەوە خێرای ناتۆ.
