كازمی لیژنەیەك بۆ پرۆژەی پارێزگاكان پێكدەهێنێت
سیاسی
- 21-02-2022, 10:00
بەغداد ـ INA
ئەمیندارێتی گشتی ئەنجومەنی وەزیرانی عێراق ڕایگەیاند: مستەفا کازمی سەرۆک وەزیران لیژنەیەکی تایبەتی لەسەر پرۆژەی پارێزگاکان پێكهێناوە.
حەیدەر مەجید وتەبێژی ئەمیندارێتی گشتی ئەنجومەنی وەزیران بە ئاژانسی هەواڵی عێراقی (INA)ی ڕاگەیاند:
مستەفا کازمی لیژنەیەکی هاوبەشی پێكهێناوە كە پێكدێت لە وەزیری پلاندانان و ئەمینداری گشتی ئەنجومەنی وەزیران و بریکاری وەزارەتی دارایی.
وتیشی: لیژنەكەی رایسپاردوە بۆ ئامادەكردنی دیدێک لەسەر پڕۆژەی پارێزگاکان بۆ ساڵی 2022 و بڕی بودجەی پێویست بۆ جێبەجێکردنیان، هەروەها بەرزكردنەوەی ڕاسپاردەکانیان بۆ سەرۆک وەزیران بە مەبەستی بڕیاردان لەسەر پرۆژەكان.
ئاشكراشیكرد: ئەمیندارێتی گشتی ئەنجومەنی وەزیران بەردەوامە لە بەدواداچوونی ئەو پرۆژانەی کە لەپارێزگاکان تەواونەكراون یاخود راگیراون، لەڕێگەی سەردانی مەیدانی ئەمیندارێتی گشتی ئەنجومەنی وەزیران بۆ پارێزگاکانی نەجەف و بابل و کۆبوونەوە یەک لەدوای یەکەکان کە لە ئەمیندارێتی گشتی ئەنجومەنی وەزیران بەڕێوەچوون.
