پۆلیسی فیدراڵی 32موشەکى کاتیۆشا لە سامەرا تێکشکاند
ئەمنی
- 18-02-2022, 18:49
به‌غدا-اه‌ع
فەرماندەیی پۆلیسی فیدراڵی ،ئەمڕۆ هەینی ،تێکشکاندنى 32 موشەکی کاتیۆشا لە سامەرا ڕاگەیاند
پۆلیسی فیدراڵی لە راگەیەندراوێکدا کەدەستى ئاژانسی هەواڵی عێراقی (INA) کەوتووە، بڵاویکردەوە: "هێزەکانی پۆلیسی فیدڕاڵی بەردەوامن لە ئۆپەراسیۆنەکانیان بۆ کیۆماڵکردنى کەرتى بەرپرسیارێتی لە پاشماوەی چەتە تیرۆریستییەکان".
ڕاگەیەندراوەکە وتیشى: "هێزێکی لیوای 13ی فیرقەی 4 ئۆپەراسیۆنێکی ئەمنییان ئەنجامدا بۆ کیۆماڵکردنى دوورگەی مکیشیفە لە باکوری سامەرا لە پاشماوەی چەتە تیرۆریستییەکان، لەو چوارچێوەیەدا 32 موشەکی کاتیۆشا و 4 بۆمبى چێندراو جۆرێکی دروستکراوی ناوخۆ دۆزییەوە، کەلەلایەن بەتالیۆنی ئەندازیاریی گۆڕەپانى فیرقەوە تێکشکێنرا".
