دادگای فیدڕاڵی رۆژی تەماشاكردنی ئەو سكاڵایەی دیاریكرد كەدژی كاندیدبونی زێباری تۆماركراوە
سیاسی
- 9-02-2022, 19:00
بەغداد ـ INA
دادگای فیدڕاڵی رایگەیاند: رۆژی یەکشەممەی داھاتوو، تەماشای ئەو سکاڵایەدەکەین کە دژی قبوڵکردنی کاندیدبوونی ھۆشیار زێباری بۆ پۆستی سەرۆکایەتی کۆمار تۆمارکراوە.
دادگای فیدراڵی لەبەیاننامەیەكی كورتدا بۆ ئاژانسی هەواڵی عێراقی (INA) ناردوە، دەڵێت: دادگای باڵای فیدراڵی ڕۆژی یەکشەممەی داهاتوو 13ی شوباتی دیاریكردوە بۆ تەماشاكردنی ئەو سكاڵایەی كە دژی قبوڵكردنی كاندیدبوونی هۆشیار زێباری بۆ پۆستی سەۆك كۆمار تۆماركراوە.
ڕۆژی یەکشەممەی ڕابردوو دادگای باڵای فیدراڵی لەبەیاننامەیەكدا بۆ ئاژانسی هەواڵی عێراقی (INA) ناردبوو، رایگەیاند: دادگا بڕیاریداوە هەڵبژاردنی (هۆشیار مەحمود محەمەد زێباری) بۆ پۆستی سەرۆک کۆمار بە شێوەیەکی کاتی هەڵپەسێردرێت تا ئەو کاتەی دۆسیەکە چارەسەر دەکرێت.
