ئەنجومەنی وەزیران یاسای قەدەغەكردنی ئەو یاریانەی هانی توندوتیژی دەدەن كارا دەكات
- 27-02-2018, 00:00
بەغدا – ا ه ع ئەنجومەنی وەزیران رایگەیاند: رەزامەندبووە لەسەر كاراكردنی یاسای قەدەغەكردنی یاری ئاگرین. لە بەیاننامەیەكدا كە وێنەیەكی بۆ ئاژانسی هەواڵی عێراقییە (ا ه ع) نێردراوە، ئەمانەی گشتی ئەنجومەنی وەزیران رایگەیاند: ئەنجومەنی وەزیران رەزامەند بووە لەسەر كاراكردنی یاسای قەدەغە كردنی ئەو یاریانەی هانی توندوتیژی دەدەن، ژمارە 2ی ساڵی 2013 لەگەڵ رێنمایی ژمارە 3ی ساڵی 2015 لەلایەن هەر دوو وەزارەتی دارایی و بازرگانییەوە. لە بەیاننامەكەدا هاتووە ئەنجومەنی وەزیران رەزامەندبووە لەسەر ئەوەی وەزارەتی ناوخۆ یاسای ژمارە 570ی ساڵی 1982 كارابكات كە تایبەتە بە بەكارهێنانی یاری ئاگرین لە بۆنە گشتیەكاندا بە تایبەت لەناو شار و قەزا و ناحیەكاندا.
