ده‌ستگیركردنى سێ چەکداری مەترسیداری داعش لە کەرکوک
ئەمنی
- 8-02-2022, 10:46
به‌غدا-INA
ده‌زگاى هه‌واڵگیرى،ئه‌مڕۆ سێشه‌ممه،ده‌ستگیركردنى سێ تیرۆریستی داعش لە کەرکوک کە مەترسی بوون لەسەر عێراق و ناوچەکە.
بەپێی ڕاگەیەندراوەکەی شانەی راگه‌یاندنى ئەمنی كه ده‌ستى ئاژانسى هه‌واڵى عێراقى(INA)كه‌وتووه رایگه‌یاند:"ئه‌و سێ تیرۆریسته له‌سه‌ر بنه‌مای زانیاری له چه‌ند شوێنێكی جیاواز ده‌ستگیركراون و به‌پێی ماده‌ی 4ی تیرۆر داواكراو بوون، به‌هۆی لایه‌نگرییان بۆ داعش".
ئاماژەی بەوەشکرد"یەکێک لە دەستگیرکراوەکان ناوی (ئه‌بو به‌دران)ــه و دانی به‌وه‌دا ناوه، له چه‌ندین كرده‌وه‌ی داعشدا به‌شداریكردووه، له‌وانه‌ش هێرشكردنه سه‌ر بنكه‌ی پۆلیسی فاتح له ئه‌نبار و سووتاندنی بنكه‌كه و كوشتنی موختاری ناوچه‌ی (ئه‌بو تیبان) له ڕومادی، به‌هه‌مان شێوه هێرشیشی بۆسه‌ر ماڵی هاوڵاتییه‌ك له عه‌گبه‌ی رومادی".
شانەی ئەمنی ئاشکراشیکرد"دەستگیرکراوی دووه‌م به “ئه‌بوحارس” به‌ناوبانگه و کاری ئەوە بووە سووتەمەنی و پێداویستی بۆ چەکدارەکان دابینبكات”.
