زێباری جەختیکردەوە رێز لە بڕیاری دادگەی فیدراڵی دەگرێت
سیاسی
- 6-02-2022, 19:00
به‌غدا_(INA)
هۆشیار زێباری لەسەر بڕیارەکەی دادگای فیدڕاڵی هاتەدەنگ و ڕایگەیاند، رێز لە بڕیاری دادگەی فیدراڵی دەگرێت لە ڕاگرتنی بەربژێربوونی بەشێوەی کاتی تاوەکو یەکلابوونەوەی ئەو داوایەی لەسەری تۆمارکراوە.
هۆشیار زێباری، کاندیدی پارتی بۆ سەرۆک کۆمار له پەڕەی تایبەتی خۆی لە فەیسبوک کە ئاژانسی هەواڵی عێراقی(INA)چاودێری کردووە رایگەیاند:"رێز لە بڕیاری دادگای فیدراڵی دەگرین لە وەستاندنی کاندیدبوونمان بەشێوەیەکی کاتی تاوەکو یەکلابوونەوەی ئەو داوایەی لەسەرمان تۆمارکراوە."
ئاماژەی بەوەشکرد"متمانەمان بەوەیە کە دادگا ئەوە یەکلابکاتەوە کە پێشتر دامەزراوەکانی دەوڵەت سەلماندوویانە لە شیابوونم بۆ کاندیدبوون، ئەوەشی بانگەشەی بۆ دەکرێت جگە لە دەستگرتنی زیاتر بە کورسییەوە هیچی دیکە نییە."
