ئۆپەراسیۆنە هاوبەشەكان: تۆڵەكردنەوەی تاوانەكەی عوزێم بەبازوی عێراقیەکان ئەنجامدرا
ئەمنی
- 31-01-2022, 11:00
به‌غدا_INA
فەرماندەیی ئۆپەراسیۆنە هاوبەشەكان ئەمڕۆ دووشەممە ڕایگەیاند كە ئۆپەراسیۆنی تۆڵەكردنەوەی ئەنجامدەرانی تاوانی عوزێم تەنها بەبازوی پاڵەوانە عێراقیەکان ئەنجامدرا،
گوتەبێژی فەرماندەیی ئۆپراسیۆنە هاوبەشەکان لیوا تەحسین خەفاجی بەئاژانسی هەواڵی عێراقی (INA)ی ڕاگەیاند: ئۆپەراسیۆنی تۆڵەكردنەوە بۆ ئەنجامدەرانی تاوانی عوزێم بە تەواوی عێراقی و بە ڕێنوێنی فەرماندەی گشتی هێزە چەكدارەكان بووە.
هەروەها وتیشی: ئۆپەراسیۆنەكە زۆر بە وریاییەوە پلانی بۆ دانرابوو دوای ئەوەی فەرماندەی گشتی فەرمانی بە دەزگا ئەمنییەكان و هەواڵگری كرد بەدواداچوونیان بۆ بكەن و بەڕاستی لە ماوەیەكی زۆر كورتدا توانیمان لە ڕێگەی ئەو زانیاریانەی كە لە لایەن دەزگای ئاسایشی نەتەوەیی و هەروەها هێزی ئاسمانی ،توانیان لە شانەكانی تیرۆرستان بدەن بە ئۆپراسیۆنی هاوبەش.
