ئێران ئیدانەی هێرشە موشەكیەكەی سەر فرۆكەخانەی بەغداد دەكات
سیاسی
- 29-01-2022, 08:50
بەغداد ـ INA
سەعید خەتیبزادە وتەبێژی وەزارەتی دەرەوەی ئێران ئیدانەی هێرشە موشەكیەكەی سەر فڕۆکەخانەی نێودەوڵەتی بەغداد دەكات و بە هەوڵێك بۆ دروستكردنی ناسەقامگیری لە عێراقدا وەسفی دەكات.
خەتیبزادە ئەمڕۆ شەممە لەبەیاننامەیەکدا ڕایگەیاند: ئەم جۆرە کارە گوماناویانە دەبێتە هۆی ناسەقامگیری ئاسایش و بڵاوبوونەوەی ئاژاوە لەعێراقدا و کاریگەری لەسەر خزمەتگوزارییەکانی حکومەت بۆ هاوڵاتیان دەبێت.
وتیشی: کۆماری ئیسلامی ئێران هەمیشە پشتیوانی لەدامەزراندن و هێشتنەوەی ئەمنیەتی عێراق و پێشکەوتنەکان و ئەمنیەتێكی گشتگیر و تەواوکاریی خاکەكەی کردوەو پشتیوانی لە رێوشوێنەكانی حکومەتی عێراق دەکات بۆ چەسپاندنی ئاسایش و سەقامگیری لەوڵاتەكەدا.
