راوێژكاری ئاسایشی نیشتمانی و باڵیۆزی نوێی ئیسپانیا چەند پرسێك تاوتوێدەكەن
سیاسی
- 27-01-2022, 21:22
بەغداد ـ INA
ڕاوێژکاری ئاسایشی نیشتمانی عێراق و باڵیۆزی نوێی ئیسپانیا لەبەغداد دۆسیەی کەمپ هۆل و بەشداریکردنی ئیسپانیا لەپشتیوانیکردنی عێراق لەڕێگەی ناتۆوە تاوتوێکرد.
نووسینگەی راگەیاندنی ڕاوێژکاری ئاسایشی نیشتمانی لە بەیاننامەیەکدا کە دەست ئاژانسی هەواڵی عێراقی (INA) كەوتوە ڕایگەیاند: قاسم ئەعرەجی لەنووسینگەی خۆی پێشوازی لە پێدرۆ مارتینیز ئەڤیال باڵیۆزی نوێی ئیسپانیا لەبەغداد کرد و هیوای خواست سەرکەوتوو بێت لەکارەکەیدا.
وتیشی: هەر لەو دیدارەدا پەیوەندییە دوو قۆڵیەكانی نێوان هەردوو وڵات و ڕێگاکانی پەرەپێدانیان لە بەرژەوەندی هەردوولا و گەلی دۆستدا تاوتوێكرا.
ئاماژەی بۆ ئەوەشكرد: هەردوولا گفتوگۆیانكرد لەبارەی بارودۆخی سیاسی و ئەمنی ناوچەکە و جیهان و هەروەها پرسی کامپی سنووری هۆل و بەشداری ئیسپانیا لە پشتیوانیکردنی عێراق لە ڕێگەی ناتۆوە.
