وەزیری پەروەردەی هەرێم: تا رۆژی٣٠ی كانونی دووەم لە سەرجەم ناوەندەکانی خوێندن پشوو دەبێت

سلێمانی ـ INA


وەزیری پەروەردەوەی حكومەتی هەرێمی كوردستان لە راگەیەنراوێكدا كە دەست ئاژانسی هەواڵی عێراقی (INA) كەوەوە، دەڵێت: بەمەبەستی پاراستنی سەلامەتی گیانی  مامۆستایان و قوتابیان و خوێندکاران لە دابەزینی پلەکانی گەرمی بریارماندا ، لە سەرجەم ناوەندەکانی خوێندنی ( حکومی - ناحکومی ) پشوو دەبێت تا رۆژی یەکشەممە ٣٠ی ١ی ٢٠٢٢ واتا رۆژی یەکشەممە پشوو دەبێت. 
راشیگەیاند: ئەو هەڵسەنگاندن و تاقیکردنەوانەی  وەرزی یەکەم کە ئەنجام نەدراون لە رۆژی دووشەممە ٣١ی ١ی ٢٠٢٢  دەستپێدەکرێتەوە، کارگێری ناوەندەکانی خوێندن خشتەی  ئەو تاقیکردنەوانەی کەماون بۆ قوتابیان و خوێندکاران رادەگەیەنن  بەمەرجێک بەیانیان لەکاتژمێر ٩:٣٠ ی بەیانی دەستپێبکات، پاش ئەنجامدانی ئەو تاقیکردنەوانەی کە ماون خوێندنی وەرزی دووەم  دەستپێدەکات.
وەزیری پەروەردە رونیشیكردەوە: قوتابخانەکانی (سابیس ) و (نێودەوڵەتییەکان) و ( بیانییەکان ) کە پرۆگرامی تایبەتیان هەیە دەتوانن تا وادەی ئاماژەپێکراو بە شێوازی خوێندنی ئۆنلاین بەردەوام بن.
وتیشی: ئەنجومەنی وەزارەتی پەروەردە بۆ قەرەبووکردنەوەی ماوەی لەدەستچوو ، ساڵنامەی خوێندن هەموار دەکاتەوە.