سەرۆک کۆمار و وەزیران جه‌ختیانكرده‌وه له‌سه‌ر گرنگی پاراستن و ئاسایشی هاوڵاتیان و به‌دواداچون بۆ پاشماوه‌کانی داعش
سیاسی
- 22-01-2022, 17:58
بەغدا_(INA)
بەرهەم ساڵح سەرۆک کۆمار و مستەفا کازمی سەرۆک وەزیران ،ئەمڕۆ شەممە جه‌ختیانكرده‌وه له‌سه‌ر گرنگی پاراستن و ئاسایشی هاوڵاتیان و به‌دواداچون بۆ پاشماوه‌کانی داعش.
له راگه‌یه‌ندراوێكی سه‌رۆكایه‌تی كۆمار، كه دەستی ئاژانسی هەواڵی عێراقی(INA) کەوتووە رایگەیاند:"د. بەرھەم ساڵح، سەرۆک کۆمار پێشوازیکرد لە مستەفا کازمی، سەرۆک وەزیران، لەدیدارەکەدا گفتوگۆکرا لەبارەی بارودۆخی گشتی وڵات و جەختکرایەوە لەگرنگی پاراستنی ئاسایش و سەقامگیری هاوڵاتیان و ریشەکێشکردنی پاشماوەکانی داعش و رێگەگرتن لە کارە تاوانکارەکانی داعش بۆ بەئامانجگرتنی ئاسایشی هاووڵاتیان و دابینکردنی هەمو پشتیوانییەک لە ھێزە ئەمنییەکان تاوەکو ئەرکەکانیان بە باشترین شێوە جێبەجێبکەن".
هەروەها دوپاتکرایەوە لەگرنگی یەکخستنی هێزە نیشتمانییەکان لە پێناو ھێنانەدی ئاسایش و سەقامگیری و ھێنانەئاراوەی مافە دەستورییە نیشتمانییەکان و داوا رەواکانی ھاوڵاتیان بۆ ژیانێکی ئازادی باشتر.
